Lecturas personalizadas
En Proyecto Altar traballamos coa memoria simbólica que habita en ti: os teus ritmos internos, as túas imaxes arquetípicas, os teus sinais. As lecturas e rituais personalizados non son predicións, senón procesos de revelación. Ofrecémosche ferramentas para comprenderte desde unha linguaxe máis profunda —máis antiga e máis próxima ao real—.
Cada ritual constrúese de maneira individual, a partir do que precisas neste momento da túa vida. Traballamos coa Lúa, cos animais guía, co tarot, coa intuición, coa palabra e co coidado estético.
Modalidades
Carta Lunar Persoal: Interpretación da Lúa no momento do teu nacemento como núcleo da túa sensibilidade, memoria emocional e sabedoría interna.
Inclúe correspondencias simbólicas, paisaxes interiores, ritmos enerxéticos e claves para o teu equilibrio cotián.
- Entrega dixital (PDF + nota de interpretación persoal).
- Opción pack físico: carta ilustrada + dossier encadernado
Animais Espirituais
A través da túa lúa natal, da túa historia e dunha lectura ritual, identificamos os animais gardiáns que te acompañan.
Cada animal entrégase coa súa ensinanza, coidado, ritmos e formas de invocación.
- Dispoñible en formato dixital ou en pack físico con ilustracións e texto ritual.
Lecturas cíclicas
- Lectura Anual
- Lectura Mensual
- Lectura Semanal
Estas lecturas poden soster procesos de cambio, creación, dó, identidade ou apertura espiritual.
Lecturas con elementos naturais
Como, por exemplo, a lectura do ovo, unha ferramenta interpretativa da tradición latinoamericana.
Prezos de cada modalidade:
Pack dixital: 35 euros
Pack físico: 45 euros
